تعبت اوي يازمان من غدر البشر فيكي الاصيل بيتخان وفيكي القوي سلطان
بتقولو ع المفترى بطل وصاحب الفلوس خطر وتقولو ع الطيب تعبان
ياما كلت حق ناس يا ابن ادم وانتا على موتك غفلان
جرالنا ايه هو احنا مين
الاسم بس بنأدمين
مش عاملين حساب للاخره
مش خايفين من يوم الدين
خايف من بكرة واللي فيه
مبقيتش عارف هيجري ايه
كل يوم نصحي علي حكاية
وحوار اصعب من اللي قبليه
حكاية ام وبنتها
غلبانه ياعيني علي قدها
بتدور ع اكل العيش
بتسعي وتجيب رزقها
عايشة حياتها بالحلال
راضية بالقليل مالمال
صابره ياعيني ظروفها وحشه
ومش زعلانة من ضيق الحال
ممديتش ايدها لمخلوق
فرش بسيط وف قلب السوق
بتصرف ع بيتها وعيالها
وبتقول مسيرها بكره تروق
وبتساعدها بنتها
٨ سنين كان عمرها
بتروح معاها كل يوم
وروحها فيها بتحبها
الام زي كل يوم
اول ماصحيت من النوم
خدت بنتها ونازلة تسعي
في رمضان وف عز الصوم
االام. وصلت ف المكان
اللي فرشه فيه من زمان
وبنتها فجاة قوام بتعيط
قالت عايزه تخش الحمام
الام ياعيني سابتها تروح
راحت الجامع وكان مفتوح
دخل عليها شيطان وغول
فضلت تصرخ بصوت منبوح
هتك عرضها في ثواني
مدمن ايس وبيعاني
عمرو ٣٨ سنه
وتفكيرو ماسوني شيطاني
الطفلة خرجت لماها
غرقانه ياعيني ف دمها
اصل ديب معدوم ضمير
خد شرفها منها
ظيطة وزحمة وناس كتير
الوضع كان مشهد خطير
وكله مذهول مالصدمة
ومحدش عندو ولا تفسير
رسالة لكل ام واب
خافو علي عيلكم بجد
محدش عارف اي اللى هيحصل
استرها بسترك انت يارب
ليست هناك تعليقات:
إرسال تعليق