سلفيني عنيكي لحظه
تشوفي نفسك من مكانى
روحي كانت ضايعه قبلك
بيكـي ردت فيا تانى
شوفت فيكي ايدين بتبني
بفرحه طول الوقت فيا
حضن ليل ونهار بطيبه
وحُب بيطبطب عليا
لامسه احساسي بحنانك
من سكوتى بتفهمينى
حلوة حتى ف عز زعلك
عايزة بردوا تفرحيني
انتى تحويشة سنيني
ف اللى جى وف إللى راح
انتى النجاح اللي بحقيقي
اللي بعده مفيش نجاح....
انتى الونس
شريكتي فى الروح والنفس
احلي حاجه في عمري كله
وقلبي اللي أنا بيه بحس
انتى الطريق
أول وأخر كل شئ
قلبك ملهوش فالدنيا زي
لسه على الفطرة وبرئ
لو عليا اديكي روحي
وبردوا مش هتكون كفايه
انتي دعوة دعاها قلبي
واستجابت فى النهاايه
صحبتي وبنتى وحبيبتي
اتوه واضيع لو عنى غيبتى
طول ما ايدك ماسكه ايدى
الباقي مش فارق معايا
انتى الوحيده فعز خوفي
اللي قدرتي تطمنينى
قويتينى فى عز ضعفي
كنتي دايما تسنديني
مش هقابل حد زيك
فى الحياه لو مهما اشوف
كان زمان ناقصني حاجه
وجيتي ليا تكمليني
انتى الونس
شريكتي فى الروح والنفس
احلي حاجه في عمري كله
وقلبي اللي أنا بيه بحس
انتى الطريق
أول وأخر كل شئ
قلبك ملهوش فالدنيا زي
لسه على الفطرة وبرئ
ليست هناك تعليقات:
إرسال تعليق