يااللي انتوا زمان كنتوا بتحلموا
ينطق اسمكوا مره لساني
فارشين لي القعدة فى اي مكان
وعملتوا قرود فيها عشانى
جايين دلوقتى بتتنططوا
وتسوقوا ف شغل الاستعباط
لا فوقو أنا هفضل سيد الناس
وال هيتحط معايا يتشاط
طول عمر الايام بتحدف
فى بلاوي وعديت الاصعب
من يومي بشيل نفسي بنفسي
بالطول بالعرض انا مش بغلب
ياما شوفت كتير انا مالدنيا
عمايل ولا يوم كسرت عيني
وريتني اللي محدش شافه
وعلى قد ما اعيش هتوريني
كتفي وتد شيال أحمال
لا اتنى يوم ولا نخ ومال
هما حايلله يومين اتنين
والريح مابتهزش فى جبال
واقف ثابت ما بجليش
على الخاينين انا مابسميش
يوم ما تجيبو ف سيرتي ف ضهرى
مش هشبع فيكم تلطيش
قاعدين للسقطه وللقطه
وعينكم ناطه فى أحوالي
بتصحبوني والنيه اونطه
علشان تصرفوا من أموالى
ناس خاينه وملهاش ف العشرة
مفيهاش ولا واحد يتأمن
جواهم فلصوا دهب قشرة
بيبيعوا فى اقربها كماين
انا ماشي بمركب وبقدف
بستنى الموجه توديني
بقى كله بيخطف وبيجري
ومصمم يديني على عيني
حاسس انى لوحدي ومتكتف
والدنيا بتأذى وترازيني
مغصوب انى امشي على شمالها
بقى ممنوع امشي على يميني
ليست هناك تعليقات:
إرسال تعليق