بقولك إيه، هوَّ إنت بتكبَّرها عليَّا بس ليه؟
بقولك إيه، أي حد في سكتي أنا بدوس عليه!
بقولك إيه، الميّة منك إنت ما يساوش جنيه!
بقولك إيه، أنا اللي ما يشوفنيش دهب بكسر عينيه!
أنا… أنا… أنا، يا عم بقولك أنا!
تعباهم وشاغله بالهم، ونجاحي ده بيزعلهم!
كنت بعمل ياما علشانهم، وكل غلطة أنا مش هنساهالهم!
لأ، ده أنا ما راحتش عليَّا، هفاجئكم كل شوية!
آه يا ولاد المؤذية، الضربة منكم قدامها مية!
يا عم بقولك أنا… اسمع، بقولك أنا… ركّز، بقولك أنا!
يا حظ، قولي فين أراضيك؟ علشان أجيلك أنا وأراضيك!
تعالى زورني بس في يوم… وحسّ بيَّا، الله يخليك!
فوق لحالك، خد بالك… الدنيا دي مش ديمالك!
ولو لقيتها لعبة معاك، يبقى إنتَ أمك دعيلك!
البخت مال… والحظ ليه معلَّق معايا عَ الاندال ؟
البخت مال… ما بقيتش عارفه مين يمين ومين شمال!
البخت مال… ونفسي ألاقي حد ابن حلال!
البخت مال… من كتر الناس الغدَّارين، أنا قلبي شال!
أنا… أنا… أنا، يا عم بقولك أنا!
يلا، اللي هيمشي براحته، مصيره يرجع لي لوحده!
ما هو بكره هيعرف قيمتي، وهكون من حساباتي مساحته!
شيلتكم في العين والنني… ولقيت كله مغفِّلني!
كلها بتروح وتيجي، بس أنا عادي ولا يشغلني!
ليست هناك تعليقات:
إرسال تعليق