ومين قال إن أنا مبسوط؟
أنا من جوايا بجد بموت
عايشة وبصرخ من غير صوت
أنا بستنى معاد الموت
عايشة حياتي بمهدئات
قلبي بيصرخ من الآهات
بُكرة ترنوا عليه كتير
هما يردوا ويقولوا مات
نفسيتي متدمرة
بمشي الخطاوي لورا
والصحة متدهورة
ماشية أنا بمهدئات
أنا نفسي أفرح بقى وارتاح
يا ناس من الشقى
عشت في حياة مبهوقة
وتعبت من العلاجات
من اللبس والتصوير
دول فكرونا فرافير
ومعانا فلوس كتير
ولاد الحرام حسدونا
ربك ساترها علينا
وعيونكم بنت لذينة
اللي فينا مكفينا
في حالنا بس سيبونا
أنا مش عايزة منكم غير
ادعولي بس إني أبقى بخير
بلاش في الفرح تنسوني
وفي الأحزان بتعملوا شير
ومش كل الحظوظ أموال
مايمكن صاحب ابن حلال
في وقت الجد يبقى معاك
يكون راجل جدع سندال
كل اللي عاشها لحاله
بصراحة ريّح باله
عايزين تغوروا؟ وماله
ما فداهية مش ناقصين
مش واقفة يعني عليكم
وهتمشي من بعديكم
ولا عشرة طمرت فيكم
واكلين عشان جعانين
هتشوفوا وشي التاني
وهَدوس على اللي أذاني
فاكريني يعني هعاني
فكرني يعني هموت؟
كل اللي فات انسوه
والجاي بقى قابلوه
قلبي اللي حولتوه
هيوريكم الجبروت!
ليست هناك تعليقات:
إرسال تعليق